देवघाट, चैत २१
कालिगन्डकी नदीको किनारमा रहेका देवघाट गाउँपालिका–१ कोटाका ठुला टारहरु सिंचाईको अभावमा त्यसै बाँझो अवस्थामा रहेका छन् । ति टारहरुमा सिंचाई सुविधा पु¥याउन सके बाह्रै महिना उब्जनी गराउन सकिने स्थानीयको भनाई छ ।
कोटाका कालिकाटार, आँपटार, गोपीटार, बसेनीटार र कोटाटारमा रहेका सयौं हेक्टर खेतीयोग्य जमिनहरुमा सिंचाईको अभावमा मकै र कोदो लगाउनुको विकल्प नभएको देवघाट गाउँपालिका १ का वडा अध्यक्ष मणिराज गुरुङले बताए । ति टारहरुमा सिंचाई सुविधा पु¥याउन सकेमा मकै र कोदोको विकल्पमा धान, गहुँ, जौं र मसुर, राजमा जस्ता अन्नबाली लगाउन सकिने अध्यक्ष गुरुङले बताए ।
खेतीयोग्य जमिनहरुमा मकै र कोदो लगाई चितवनको भरतपुर र नवलपरासीको गैंडाकोटबाट चामल अन्य तरकारी खरिद गरेर ल्याई खानु पर्ने बाध्यता रहेको उनले बताए । ति सुख्खाटारहरुबाट उत्पादित मकै र कोदो भने रक्सी पार्ने र बाढि भएको गाई बस्तुलाई दिने गरेको पुर्व वडा अध्यक्ष भिम गुरुङले बताए ।
कालिगन्डकी नदिको पानीले उक्त टारमा सिंचाई गर्न सकेमा उक्त टारबाट उत्पादित अन्नबालीले सिङ्गो देवघाट गाउँपालिकालाई नै आत्मनिर्भर गराउन सकिने वडा अध्यक्ष गुरुङले बताए । देवघाट गाउँपालिकाका अध्यक्ष तिलबहादुर थापाले कोटाका ठुला टारहरुमा सिंचाई सुविधा पु¥याउनको लागि गाउँपालिकाको बजेटले मात्र नधान्ने हुँदा त्यसको लागि प्रदेश र संघिय सरकारलाई पनि अनुरोध गरिएको बताए ।
उक्त टारमा सिंचाईको लागि करोडौं रुपैयाँ आवश्यक पर्ने हुँदा प्रदेश सरकारले मात्र रकम उपलब्ध गराउन नसक्ने हुदा संघीय सरकारलाई पनि अनुरोध गरिने अध्यक्ष थापाले बताए । वडा नम्बर १ को ठुला टारमा सिंचाई सुविधा पु¥याई कृषिको माध्यमबाट वडा र गाउँपालिकालाई नै समृद्ध बनाउने गाउँपालिकाका अध्यक्ष थापाले बताए ।
