देवघाट, असार ३१
देवघाट गाउँपालिका–३ की ३० बर्षिया अपाङ्गता भएकी महिलालाई बलात्कार गरेको आरोपमा देवघाट गाउँपालिका–३ गोन्द्राङका ६५ बर्षिय झाम्टे थापालाई सोमबार प्रहरीले पक्राउ गरेको छ ।
सुस्तमनस्थिती भएकी उक्त महिलालाई घरदेखी अन्दाजी २ किमि टाढा रहेको मकै बारीमा बाँदर धपाउन बस्ने क्रममा गत जेठ २६ गते थापाले बलात्कार गरेको आरोप पीडित परिवारले लगाएको छ ।
पीडित परिवारले आरोपितलाई कारवाहीको माग गर्दै सोमबार इलाका प्रहरी कार्यालय सराङघाटमा उजुरी दिएपछि प्रहरीले सोमबार उनकै घरबाट पक्राउ गरिएको जिल्ला प्रहरी कार्यालयले जनाएको छ ।
आरोपितलाई सोमबार अबेर भएको कारण मंगलबार जिल्ला अदालतमा उपस्थित गराई म्याद थप गरिने जिल्ला प्रहरी कार्यालयका एसपी अपिलराज बोहोराले बताए ।
