दमौली, जेठ १५
सरकारले टिकापुर हत्याकाण्डका दोषी रेशम चौधरीलाई आममाफीको लागि राष्ट्रपति समक्ष सिफारिस गरेको छ ।
आईतवार बसेको मन्त्रीपरिषदको बैठकले चौधरीलाई आममाफीको लागि राष्ट्रपति रामचन्द्र पौडेलसमक्ष सिफारिस गर्ने निर्णय गरेको सुचना तथा सन्चार प्रविधि मन्त्री रेखा शर्माले जानकारी दिईन् ।
गणतन्त्र दिवसको अवसर सोमबार राष्ट्रपति पौडेलले चौधरीलाई माफि दिएपछि चौधरी रिहा हुने छन् । कैलाली जिल्ला अदालतले चौधरीलाई जन्मकैदको सजाय सुनाएकोमा उच्च अदालत र सर्वोच्च अदालतले समेत उक्त फैसलालाई सदर गरेको थियो ।
कैलालीको टिकापुरमा दुधे बालक सहित प्रहरी अधिकारीहरुको सामुहिक हत्याकाण्डमा अदालतले चौधरीलाई दोषी ठहर गरेको थियो । चौधरी केन्द्रीय कारागार डिल्ली बजारमा थुनामा छन् ।
