दमौली, असार ९
बस र कार आपसमा ठक्कर खाँदा ५ जना घाईते भएका छन् । शनिबार दिउँसो भानु नगरपालिका–९ बडहरे स्थित डुम्रे–बेशिसहर सडक खण्डमा बेशिसहरबाट डुम्रे तर्फ जादै गरेको प्र.३–१०२४ च ९८३७ नम्बरको कार र बिपरित दिशाबाट जादै गरेको ग १ख ४३७५ नम्बरको बस एक आपसमा ठक्कर खाई दुर्घटना हुँदा कार चालक ललितमान रुम्बा सहित कारमा सवार ५ जना घाइते भएका छन् ।
घाईते हुनेमा चालक ३९ बर्षिय रुम्बा सहित मकवानपुर हेटौडा उमनपा– १४ का ४१ वर्षिय रन्जन राना, सोही ठाउँका ६५ बर्षिय झम्क गौतम, ५० बर्षिय मधुकर कार्की र ३४ बर्षिय विवेक गौतम रहेका छन् । घाईते मध्ये रानाको अवस्था गम्भिर रहेको छ । घाईते सबैको एलाईभ अस्पताल भरतपुर चितवनमा उपचार भईरहेको प्रहरीले जनाएको छ ।
