देवघाट, माघ ८
देवघाट गाउँपालिका-२ कोटबैदी आईतबार राती मिनि ट्रक पल्टिँदा २ जनाको मृत्यु भएको छ ।
दमौलीबाट देवघाट गाउँपालिकाको छिपछिपे तर्फ जाँदै गरेको ग१ख ४१८१ नम्बरको मिनिट्रक आईतवार राती ८ बजे देवघाट गाउँपालिका-२ कोटबैदी भोक्टेनी स्थित भित्री सडकखन्डमा दुर्घटना हुदा ट्रकमा सवार ३ जना मध्ये २ जनाको मृत्यु भएको जिल्ला प्रहरी कार्यालय तनहुँले जनाएको छ । ट्रक सडकबाट ५ सय मिटर तल खसेको थियो ।
मृत्यु हुनेमा देवघाट-३ दगराका ६५ बर्षिय नरबहादुर गुरुङ र सोही ठाउँकी ४५ बर्षिया विमाया गुरुङ रहेका छन् । दुर्घटनामा घाइते भएका उनीहरूलाई उद्धार गरि उपचारकोलागि दमौली अस्पताल पठाईएकोमा चिकित्सकले मृत घोषणा गरेका थिए । ट्रकका चालक भने सम्पर्कमा नआएको र उनको खोजी भईरहेको प्रहरीले जनाएको छ ।
