दमौली, माघ ९
ब्यास नपा–३ देउराली नगरमा गत शुक्रबार देखि जारी प्रथम नमस्ते देउराली कपको खुल्ला साबिक वडा तथा टोलस्तरीय पुरुष भलिबल प्रतियोगिताको फाइनल बुधबार हुने भएको छ ।
प्रतियोगिताको क्वाटर फाइनलमा बुधबार नै पहिलो खेल घिरिङ किटिया र शुक्ला–१२ बाबिया बीच तथा दोश्रो रिशिङ समाज भिरकोट तथा रिशिङ समाज रिसिङ–६ विच प्रतिस्पर्धा हुने र बिजयी बीच फाइनल हुने खेल संयोजक आनन्द आलेले जानकारी दिए ।
नक आउट नियममा खेलाइएको सो प्रतियोगितामा ३५ टिमको सहभागिता र दर्शकको पनि उल्लेख सहभागिताले उत्साही बनाएको आयोजक क्लबका अध्यक्ष तील बहादुर थापाले बताए । १०८ फुटको ब्यास प्रतिमा निर्माणस्थलमा प्रतियोगिता आयोजना गरि एक साथ दुई सन्देश दिन खोजिएको भन्दै क्लबका सल्लाहकार रबिन पौडेलले ब्यास क्षेत्र नेतृत्वको प्राथमिकतामा नपर्नु बिडम्बना भएको बताए ।
प्रतियोगिताका बिजेता र उप बिजेताले क्रमश ४०÷२० र १० हजार रुपैयाँ पुरस्कार राशी सहितको पुरस्कार प्राप्त गर्नेछन् ।
