दमौली, माघ १०
अर्कैको नाममा ट्रायल दिएका भानु नपा–४ का ३० बर्षिय पुर्ण थापा मगरलाई प्रहरीले पक्राउ गरेको छ ।
थापाले मंगलबार यातायात व्यवस्था कार्यालय बन्दिपुर–४ बिमलनगरमा सञ्चालित बर्ग ए को मोटरसाईकलको प्रयोगात्मक परिक्षा (ट्रयाल) मा भानु नपा–४ का ३५ बर्षिय सुरेश थापा मगरको नाममा सहभागी भएको प्रहरीले जनाएको छ । पक्राउ परेका थापा भानु नगरपालिकाका करार सेवाका कार्यालय सहयोगी हुन् ।
उक्त परिक्षामा पुर्ण थापा मगर उपस्थित भई निज सुरेश थापा मगरको नाममा किर्ते सही छाप गरी प्रयोगात्मक परिक्षामा सहभागी भएको अवस्थामा फेला परेको हुँदा निजलाई पक्राउ गरी किर्ते सम्बन्धी कसुरमा तनहुँ जिल्ला अदालतबाट बुधबार पाँच दिनको म्याद थप गरि हिरासतमा राखी थप अनुसन्धान भईरहेको जिल्ला प्रहरी कार्यालय तनहुँले जनाएको छ ।
