देवघाट, साउन २७
बुद्धिजिवि परिषद देवघाटको सदस्यता पाउन अव कुनै एक विषयमा सक्षम हुनुपर्ने व्यवस्था गरिएको छ । देवघाट वुद्धिजिवि परिषदका अध्यक्ष डा.सुरेन्द्रप्रसाद श्रेष्ठको अध्यक्षतमा शनिबार भएको बैठकले परिषदको सदस्यता लिन चहाने व्यक्तीले कुनै एक विषय सक्षम हुनु पर्ने निर्णय गरिएको हो ।
सो बैठकमा वुद्धिजिवि परिषदको सदस्यता वितरण गर्ने सम्बन्धि भएको छलफलमा सदस्यता प्राप्त गर्न वडा नम्बर १ देखी ५ सम्मको कुनै एक विषयमा सक्षम हुनु पर्ने निर्णय भएको बुद्धिजिवि परिषद देवघाटका अध्यक्ष श्रेष्ठले बताए । साथै परिषदको सदस्यताको लागि ५ सय रुपैयाँ शुल्क पनि तोकिएको छ ।
अध्यक्ष श्रेष्ठका अनुसार देवघाट वुद्धिजिवि परिषद २०७८ सालमा देवघाट गाउँपालिकामा दर्ता भई स्थापना भएको संस्था हो । स्थापनाको यस अवधिसम्मा परिषदले देवघाटका समस्याहरुलाई पहिचान गरि समाधानको लागि देवघाट गाउँपालिकालाई सुझाव पत्र दिईएको बताए ।
आगामी दिनमा देवघाटमा स्नातक तहसम्मको सम्म पढाई हुने कलेज स्थापनाकोलागि परिषदले पहल गर्ने र आगामी भदौ २५ गते सङ्गठन बिस्तार गरे पछि शसक्त ढङ्गले देवघाटमा रहेको बिकृती बिसङ्गतीलाई औल्याउने अध्यक्ष श्रेष्ठले बताए । देवघाटको विकासको लागि कसरी, के गर्ने, कसरी जादा देवघाटको बिकास हुन सक्छ ? भन्ने बारेमा समस्याको पहिचान गरेर खवरदारी एवम सुझाव दिने निर्णय भएको वुद्धिजिवी परिषद देवघाटका अध्यक्ष डा. श्रेष्ठले बताए ।
