दमौली ०९ भदौ
तनहुँको व्यास नगरपालिका—१४ छाब्दीमा आइतबार दमौलीबाट छाब्दी मन्दिर तर्फजाँदै गरेको ग १ ख २७०३ नम्बरको यात्रुबाहक बसले ठक्कर दिंदा एक जना महिलाको मत्यु भएको छ । गोठमा काम गरिरहेको अवस्थामा बसले थिच्दा छाब्दी निवासी ५४ वर्षीया गोमा पन्थको मृत्यु भएको जिल्ला प्रहरी कार्यालय तनहुँले जनाएको छ । प्रहरी कार्यालयका अनुसार उक्त यात्रुबाहक बस छाब्दी मन्दिर नजिकको उकालोमा ब्रेक फेल भई अचानक पछि हट्न जाँदा गोठमा रहेकी ती महिलाको मृत्यु भएको बताइएको छ । बसको ठक्करले सख्त घाइते भएकी पन्थको उपचारको क्रममा दमौली अस्पतालमा मृत्यु भएको र ठक्कर दिने बस र चालक प्रहरी नियन्त्रणमा लिएको छ ।