देवघाट अनलाइन
देवघाट, चैत २३
राष्ट्रिय स्वतन्त्र पार्टीले शुक्रबार देवघाट गाउँपालिकामा चुनावी सभा गर्ने भएको छ । वडा नम्बर ५ को हाटबजारमा शुक्रबार दिउँसो ३ बजे चुनावी सभा हुने सो पार्टीका देवघाट गाउँपालिका संयोजक बलबहादुर क्षेत्रीले जानकारी दिए ।
सो सभालाई राष्ट्रिय स्वतन्त्रता पार्टीका सभापती तथा चितवन क्षेत्र नम्बर २ का उम्मेदबार रवि लामिछाने, सो पार्टीका केन्द्रीय सदस्य डा. तोसिमा कार्की, तनहुँ क्षेत्र नम्बर १ का उम्मेदबार स्वर्णिम वाग्ले, पार्टीका सहमहामन्त्री कविन्द्र बुर्लाकोटी लगायतका नेताहरुले सम्बोधन गर्ने भएका छन् ।
रास्वपा देवघाटका संयोजक बल बहादुर क्षेत्रीले सो चुनावी सभामा सहभागी हुन सबै देवघाटबासीलाई अनुरोध गरेका छन् ।
