आवुँखैरेनी, बैशाख २७
आवुँखैरेनीका मगर तथा सिमान्तकृत भुजेल समुदायका व्यक्तिहरुले स्थानिय स्रोत र सीपको प्रयोग गरि बाँसको आकर्षक सोफा तयार गरेका छन् ।
स्थानिय स्रोत र सीपको प्रवद्र्धन गरि उद्यमशिलता बिकास गर्ने नीति अन्तर्गत आँबुखैरेनी गाउँपालिकाले सबैभन्दा सिमान्तकृत र पिछडिएको भुजेल तथा मगर समुदायका ३४ जनालाई बाँसजन्य सामाग्रीको उत्पादनको लागि तालिम दिएको थियो ।
उक्त तालिम पश्चात भुजेल र मगर समुदायका व्यक्तिहरुले बाँसको आकर्षक सोफा निर्माण गरेको गाउँपालिकाका अध्यक्ष शुक्र चुमानले बताए ।
आवुँखैरेनी गाउँ पालिकाले बाँसजन्य र फलामजन्य सामग्रीको उत्पादन गर्नको लागि उद्यमशिलता बिकास कार्यक्रम अन्तर्गत मार्किचोकमा उद्योग स्थापना गर्ने अध्यक्ष चुमानले बताए ।
