दमौली, जेठ १६
पृथ्वीराजमार्ग अन्तर्गतको मुग्लिङ–पोखरा सडक विस्तार कार्यक्रम अन्र्तगत मंगलबार बिहान दमौलीको भोर्लेटार चोकमा रहेको शहिद स्मृतिद्वारमा डोजर चलाईएको छ । ६ लेनमा विस्तार हुने उक्त सडकको विच भागमा रहेको उक्त गेट सडक विस्तार आयोजनाले भत्काएको हो ।
सो गेट भत्काउने क्रममा माओवादी केन्द्रका कार्यकर्ताहरुको उल्लेख्य उपस्थिती रहेको थियो । सो गेट केही बर्षअघि माओवादी केन्द्रका कार्यकर्ताहरुले निर्माण गरेका थिए । पृथ्वीराजमार्ग क्षेत्रमा तीब्र गतिमा सडक बिस्तारको कार्य भैरहेको र मापदण्ड बिपरीत रहेको हुँदा उक्त शहिद स्मृति द्वार भत्काइएको आयोजनाले जनाएको छ ।
उक्त शहिद स्मृति द्वार भत्यकाईएपछि माओवादीका कार्यकर्ताहरुले सामाजिक सन्जालमा चिन्ता व्यक्त गरेका छन् । नेकपा माओवादी केन्द्रका जिल्ला संयोजक ओमराज आले मदनले अब छिट्टै उचित स्थानमा आकर्षक र सुन्दर शहिद गेट निर्माण गरिने बताए ।
‘शहिदहरुको निशानी शहिदहरु सम्मानमा निर्मित आशा र बिश्वासको प्रतिक निकै ठुलो जेहेनत र परिश्रमबाट योगदानमा ठडिएको दमौलीको शहिद गेट पोखरा–मुग्लिनको सडक बिस्तारको क्रममा भत्काईएको÷ढलाइएको छ ।’ आलेले भनेका छन् ‘अब छिट्टै उचित ठाउँमा निकै आकर्षक र सुन्दर शहिद गेट निर्माण गर्ने अठोट÷प्रतिबद्धता ब्यक्त गर्दछु ।’
तश्विरहरुः कृष्णचन्द्र न्यौपाने
