दमौली, जेठ १६
कृषि ज्ञान केन्द्र तनहुँले मंगलबार बन्दिपुर गाउँपालिका–२ हल थुम्काका विपन्न, गरीव न्यून आए भएका ग्रामीण क्षेत्रमा बसोबास गर्ने ४६ जना महिला तथा युवायुवतीहरुलाई मौरीको गोला सहितको घार वितरण गरेको छ ।
ग्रामिण पोषण सुरक्षण कार्यक्रम अन्तर्गत हल्थुम्काका कृषकहरुलाई मौरी पालन सम्बन्धि तालिम दिएर सो घार निशुल्क उपलब्ध गराईएको कृषि ज्ञान केन्द्र तनहुँका प्रमुख कुलप्रसाद तिवारीले बताए ।
सो अवसरमा कृषि ज्ञानकेन्द्रका प्रमुख तिवारी, बन्दिपुर गाउँपालिकाका अध्यक्ष सुरेन्द्रबहादुर थापा तथा वडा नम्बर २ का वडा अध्यक्ष तीलक कुवँरले कृषकहरुलाई मौरीको घार तथा अन्य कृषि उत्पादनका सामाग्रीहरु उपलब्ध गराएका थिए ।
हल्थुम्का व्यवसायिक मौरी पालनका लागि निकै उपयुक्त भएको हुँदा मौरीको क्षेत्र विस्तारले थोरै भए पनि कृषकहरुको जीविकोपार्जनमा टेवा पुग्ने विश्वास लिएको कृषि ज्ञान केन्द्रका प्रमुख तिवारीले बताए ।
