दमौली, जेठ २४
नेकपा एमालेको तनहुँ जिल्ला इन्चार्जको जिम्मेवारी केन्द्रीय सदस्य तिलक बहादुर महत क्षेत्रीले पाएका छन् । एमालेको गत साता सम्पन्न केन्द्रीय सचिवालयको बैठकले गरेको कार्य विभाजनको निर्णय अनुसार महत तनहुँ जिल्लाको इन्चार्ज भएका हुन् । यसअघिका इन्चार्ज पोलिट्व्युरो सदस्य टुकराज सिग्देललाई स्याङ्जा जिल्लाको इन्चार्ज तोकिएको छ ।
यस्तै केन्द्रीय सदस्य भगवती न्यौपानेले क्षेत्र नम्बर १ अन्तर्गतका स्थानीय तहका इन्चार्जको जिम्मेवारी पाएकी छिन् भने अर्की केन्द्रीय सदस्य सविता रसाइलीले क्षेत्र नम्बर २ का पालिकाहरुको इन्चार्जको जिम्मेवारी पाएकी छिन् । न्यौपाने र रसाइली यसअघि तनहुँ जिल्ला सह इन्चार्ज थिए ।
एमालेले पहिलोपटक केन्द्रीय सदस्यहरुलाई समेत पालिकाहरुको इन्चार्जको जिम्मेवारी तोकेको हो । यसपटकको जिम्मेवारीमा सह इन्चार्जको व्यवस्था हटाईएको छ ।
