देवघाट, जेठ ३०
देवघाट गाउँपालिका–५ हरिहट टोलमा रहेको निकै पुरानो पानीको धारा बाबा धारा संरक्षणकोलागि देवघाटका युवाहरु लागेका छन् । धारा जिर्ण भएको हुँदा उक्त धाराको मर्मत गरि संरक्षण गर्न स्थानीय युवा मुकुन्द तिवारीको संयोजकत्वमा धारा संरक्षण समिति समेत गठन गरेका छन् ।
स्थानीय युवाहरु मुकुन्द तिवारी सहित अमृत घिमिरे, सूर्यभक्त भट्टराई, कृष्ण पोखरेल लगायतका युवाहरुले उक्त बाबा धारा संरक्षण तथा सरसफाईको नेतृत्व गरेका छन् ।
उक्त धारा जीर्ण हुँदा देवघाटको हरिहर टोलबासीलाई पानीको आपुर्तीमा कमी हुँदै आएकोमा धाराको संरक्षण पछि हाल पानीको आपुर्ती सहज भएको युवा मुकुन्द तिवारीले बताए । उक्त बाबा धारा धार्मिक हिसाबले पनि महत्वपुर्ण रहेको यसको संरक्षण गर्नु देवघाटबासीको दायित्व भएको तिवारीले बताए ।
