कावासोती, साउन २२
नवलपुरको कावासोतिमा बाल बिवाह विरुद्धको सचेतना कार्यक्रम सोमबार सम्पन्न भएको छ ।
सो अवसरमा कावासोती नपा–१ को जनकल्याण माध्यमिक बिद्यालयका बालबालिकाहरुलाई बाल बिवाहको असर, बाल बिवाह हुनुको कारण, बाल बिवाह रोक्ने उपाय र कानुनी प्रावधानको बारेमा सचेत गराईएको थियो ।
सचेतना कार्यक्रम जागृती बाल तथा युवा सरोकार नेपालले क्यान्नलन स्विजरल्यान्ड सँगको साझेदारीमा सन्चालित किशोरी शसक्तिकरण कार्यक्रम अन्तर्गतको बाल क्लबका पदाधिकारीहरुको क्षमता बिकास अन्तर्गत सन्चालन गरिएको किशोरी अभियन्ता रेजिना घर्तीमगरले बताइन् ।
समुदायमा बाल बिवाहको स्वरुप फेरियको छ, पहिला अभिभावकले गर्ने थियो भने अहिले स्वयम् बालबालिकाले नै आफै बाल बिवाह गर्ने गरेकोले बालबालिका लक्षित सचेतनाको लागि बिधालय र समुदाय लक्षित अभियान सुरु गरेको सस्थाले जनाएको छ ।
नवलपुरमा बाल बिवाहको दर बढदै गयकोले सानो उमेरमा नै आमा बन्ने तथ्यांकले देखाएको छ । सो कार्यक्रममा बाल बिवाह भनेको के हो ? बाल बिवाहको असरहरु के के हुन? नेपालमा कानुनी अवस्था के रहेको छ ? बालबालिकाले बाल बिवाह रोक्न गर्न सकिने कामहरुको बारेमा सहजीकरण गरिएको थियो ।
कार्यक्रममा जनकल्याण माध्यमिक बिधालयका बिधालय ब्यबस्थापन समितिका अध्यक्ष आशा गैरे ब्लोनले बालबालिकालाई सानो उमेरबाट नै यसरी सचेतना दिन सकिय बाल बिवाह र अन्य हिंसा अन्त्य गर्न सकिने बताइन् । उनले बिद्यालयमा गरिव, सीमान्तकृत समुदायका बढी बालबालिका अध्ययनरत रहेको र अभिभावकलाई समेत यस्ता बारेमा सचेत गर्नको लागि अनुरोध गरेकी थिइन् ।
कार्यक्रममा किशोरी अभियन्ताहरु रेजिना घर्ती मगर, राधा बोटेले सहजीकरण गरेका थिए । सो कार्यक्रममा बिद्यालयमा अध्ययनरत ४० जना बालबालिकाको सहभागिता रहेको थियो ।
