म्याद सकिएको बियर बेच्ने व्यापारीलाई दुई लाख जरिवाना

Devghat Online

शेयर गरौ

दमौली, मंसिर ४

जिल्ला प्रशासन कार्यालय तनहुँले म्याद सकिएको बियर बेच्ने व्यास नपा–४ दमौलीका व्यापारी श्रीराम खनाललाई दुई लाख रुपैयाँ जरिवाना तोकेको छ । व्यास नपा–४ स्थित भानु सप्लायर्सका प्रोपाईटर खनालले आफ्नो सप्लायर्सबाट म्याद सकिएको बियर विक्री गर्दै आएको भेटिएपछि प्रशासनले उक्त कारवाही गरेको हो । सहायक प्रमुख जिल्ला अधिकारी तथा निरिक्षण अधिकृत काशिराम गैह्रेले सोमबार उक्त जरिवानाको आदेश दिएका थिए ।

गत शनिबार बिहान भएको अनुगमनको क्रममा उक्त सप्लायर्सबाट म्याद गुज्रिएको ७ कार्टुन बियर बरामद गरिएको सहायक प्रमुख जिल्ला अधिकारी गैह्रेले बताए । खनाललाई उपभोक्ता संरक्षण ऐन, २०७५ को दफा दफा ३८ को खण्ड (ङ) बमोजिम कसुर गरेको ठहर गरिएकोले २ लाख रुपैयाँ जरिवाना गरिएको सहायक प्रजिअ गैह्रेले जानकारी दिए ।

उक्त जरिवाना रकम ७ दिन भित्र बैंकिङ प्रक्रिया मार्फत बुझाउन र सो अवधिमा जरिवाना रकम नबुझाएमा थप कारवाही हुने गैह्रेले बताए । प्रशासनले अव आयन्दा म्याद नाघेका सामान विक्री वितरण नगर्न खनाललाई सचेत समेत गराएको छ ।

प्रतिक्रिया दिनुहोस्

सम्बन्धित समाचारहरू

बोलवम मेलामा आएका भक्तजनलाई देवघाटधाम जेसीजद्वारा निःशुल्क पानी र मही वितरण

देवघाट, साउन ७ देवघाटधाममा सुरु भएको बोलवम मेलामा आएका भक्तजनलाई देवघाटधाम जेसीजले निशुल्क पानी तथा

नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस मनाइँदै

काठमाडौं, साउन ७ नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न