बन्दीपुर, भदौ २५
विश्व आत्महत्या रोकथाम दिवसको अवसरमा मंगलबार बन्दीपुर गाउँपालिकामा आत्महत्या रोकथाम सम्बन्धी अन्तरक्रिया कार्यक्रम आयोजना गरियो ।
‘आत्महत्या रोकथामबारे संवाद सुरु गरौं, दृष्टिकोण बदलौं’ भन्ने मुल नाराका साथ आयोजित उक्त कार्यक्रममा गाउँपालिकाका अध्यक्ष सुरेन्द्रबहादुर थापाले आत्महत्या एक जटिल समस्या भएको हुँदा यसको रोकथामको लागि सरोकारवालाहरु लाग्नु पर्ने बताए ।
गाउँपालिकाका अध्यक्ष थापाको अध्यक्षतामा आयोजित उक्त कार्यक्रममा गाउँपालिकाकी उपाध्यक्ष पन्चमाया गुरुङ, प्रमुख प्रशाशकीय अधिकृत यादवराज आचार्य, इलाका प्रहरी कार्यालय बन्दीपुरका प्रमुख, गाउँपालिका स्वास्थ्य शाखाका प्रमुख किरण श्रेष्ठ, विभिन्न शाखाका प्रमुखहरु, स्वास्थ्यकर्मीहरु लगायत सरोकारवालाहरुको सहभागिता रहेको थियो ।
कार्यक्रममा इलाका प्रहरी कार्यालयका प्रमुख सन्तोष केसी र बन्दीपुर गाउँपालिकाका स्वास्थ्य शाखा प्रमुख श्रेष्ठले आत्महत्या रोकथामको लागि सरोकारवालाहरुको भुमिकाको बारेमा कार्यक्रम प्रस्तुत गरेका थिए ।
