सफल शर्मा । देवघाट, असार १
देवघाट गाउँपालिका वडा नम्बर २ का समाजसेवी छविजङ्ग ठकुरी राष्ट्रिय स्वतन्त्र पार्टीमा प्रवेश गरेका छन् ।
ठकुरीलाई केही दिन अघि राष्ट्रिय स्वतन्त्र पार्टीका उपसभापति एवं तनहुँ क्षेत्र नम्बर १ का सांसद डा.स्वर्णिम वाग्लेले पार्टीमा प्रवेश गराएका थिए ।
पुर्व ब्रिटिस शैनिक समेत रहेका ठकुरी हाल गैंडाकोट नपा-३ को ढोडेनीमा कृषि फर्म तथा रिसोर्ट सन्चालन गरेका छन् । देवघाटको वडा नम्बर २ र ३ मा राम्रो प्रभाव रहेका छविजङ्गको रास्वपा प्रवेशलाई आगामी स्थानीय तहको निर्वाचनसँग जोडेर हेर्न थालिएको छ । ठकुरी आगामी स्थानीय तहको निर्वाचनमा रास्वपाबाट देवघाट गाउँपालिकाको अध्यक्षमा उम्मेदवार बन्ने गरि प्रवेश गरेको अनुमान गरेका छन् ।
केही दिन अघि रास्वपा उपसभापति डा.वाग्लेको उपस्थितिमा देवघाटका विभिन्न वडाबाट विभिन्न पार्टीबाट एक सय भन्दा बढि रास्वपामा प्रवेश गरेका छन् । ‘घर घरमा रास्वपा’ भन्ने नाराका साथ घरदैलो कार्यक्रममा वार्ड नम्बर १ बाट ३१ जाना वार्ड नम्बर २ बाट ३५ जाना वार्ड न ४ बाट २५ जाना रास्वपा मा प्रवेश गरेका थिए । वार्ड ३ मा केही दिनमै कार्यक्रम गरि पार्टी प्रवेश गराईने भएको छ ।
उक्त कार्यक्रममा रास्वपा तनहुँका संयोजक विश्व बास्तोला लगायत रास्वपा तनहुँ र देवघाटका नेताहरुको सहभागीता रहेको थियो ।
