तनहुँ । असोज २२
शुक्लागण्डकी नपा–२ चुनेमुढा स्थित पृथ्वीराजमार्ग सडक खण्डमा बुधबार हाइस र मोटरसाईकल ठोकिँदा दुई जना घाइेत भएका छन् ।
दमौलीबाट पोखरा तर्फ जाँदै गरेको बा ३ ख १०५९ नम्बरको हाईस र विपरित दिशा तर्फबाट आउँदै गरेको ग १५ प ८२१० नम्बरको मोटरसाईकल एक आपसमा ठक्कर खाई दुर्घटना हुँदा मोटरसाईक्लमा सवार २ जना घाइते भएका छन् ।
घाइतेहुनेमा कास्की पोखरा मनपा–३३ बस्ने बर्ष १८ का प्रवेश लामिछाने र उनका वुवा बर्ष ४७ का प्रेमराज लामिछाने रहेका छन् । घाइते दुबैको टाउकोमा चोट लागेको र अवस्था गम्भिर रहेको प्रहरीले जनाएको छ । घाइते मध्ये मोटरसाईकल कसले चलाएको भन्ने नखुलेको प्रहरीले जनाएको छ ।
घाइतेहरुको उपचारकोलागि तनहुँ सेवा अस्पताल पठाएकोमा थप उपचारको लागि दुबै घाईतेहरुलाई मणिपाल शिक्षण अस्पताल पोखरा रिफर गरिएको प्रहरीले जनाएको छ ।
