तनहुँ । असार २
तनहुँ प्रहरीले गरेको सर्च एण्ड स्विप अपरेसनको क्रममा ९ जना पक्राउ परेका छन् । सोमबार जिल्ला प्रहरी कार्यालय तनहुँ तथा मातहतबाट खटिएको प्रहरी टोलीले लागुऔषध नियन्त्रण, अबैध मदिरा, शान्ति सुरक्षा, फरार पक्राउ, चोरी नियन्त्रण, प्राकृतिक स्रोत साधनको अनधिकृत प्रयोग नियन्त्रण लगायतको लागि उक्त अभियान सन्चालन गरिएको जिल्ला प्रहरी कार्यालय तनहुँले जनाएको छ ।
उक्त सर्च एण्ड स्विप अपरेसन कारबाहीको क्रममा ९ जना शंकास्पद व्यक्तिहरू नियन्त्रणमा लिइएकोमा १ जना माथि थप अनुसन्धान भइरहेको प्रहरी नायव उपरिक्षक द्वारिका प्रसाद घिमिरेले बताए ।
यसैगरि बिहानिको समयमा बढ्दै गइरहेको दुर्घटनालाई मध्यनजर गर्दै जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँले संयुक्त रुपमा मंगलबार पनि पोखरा मुग्लिङ सडक खण्डमा चालक सचेतना कार्यक्रमलाई निरन्तरता दिएको छ ।
मंगलबार बिहान ४ बजे देखि जिल्ला भित्रका बिभिन्न स्थानहरुमा सचेतना कार्यक्रम गरिएको र उक्त क्रममा ६० वटा दुई पाङग्रे सवारी साधन, ४३ वटा पाङग्रे साना सवारी साधन र ७० वटा ठुला सवारी साधनलाई सचेत गराईएको जिल्ला प्रहरी कार्यालय कार्यालय तनहुँले जनाएको छ ।
