तनहुँ । असार १३
डिभिजन वन कार्यालय तनहुँले जिल्लावासीको लागि निशुल्क विरुवा वितरण गर्ने भएको छ । कार्यालयले यही असार १६ गते मंगलबार विभिन्न २८ प्रकारका विरुवाहरु कार्यालय परिसरबाट वितरण गर्न लागेको हो ।
कार्यालयको नर्सरीबाट आर्थिक वर्ष २०८३/०८४ मा उत्पादित ति विरुवाहरु जिल्लाबासीलाई निशुल्क रुपमा वितरण गर्न लागिएको डिभिजन वन कार्यालयका प्रमुख मनोज रानाभाटले बताए ।
कार्यालयले यस वर्ष निमारो, राईखन्यु, वडहर, कटहर, च्युरी, कोईरालो, तेजपात, अशोका कल्की, निम, कपुर, शितलचिनी, अमला, बर्राे, हर्राे, बकाईनो, कुरिलो, धुपी, गोलमोहोर, बिरेन्द्रफुल, पारिजात, चाँप, खयर, बेल, पिपल, बर, राजबृक्ष र नारेश्वर जातका विरुवा वितरण गर्न लागेको कार्यालयका सुचना अधिकारी राजकुमार श्रेष्ठले जानकारी दिए ।
