तनहुँ । भदौ २०
रसुवा–भोटेकोशी क्षेत्रमा आएको विनाशकारी बाढीबाट प्रभावित धादिङ र नुवाकोटका बाढीपीडित परिवारलाई दमौलीका युवाहरूले राहत सामग्री वितरण गरेका छन् ।
दमौली क्षेत्रका विभिन्न शुभेच्छुक, सहयोगदाता तथा स्थानीयवासीबाट संकलन गरिएको राहत सामग्री बाढीका कारण घरबार तथा दैनिक उपभोगका सामग्री गुमाएका ५ सयभन्दा बढी परिवारलाई वितरण गरिएको हो ।
राहतस्वरूप प्रभावित परिवारलाई खाद्यान्न, लत्ताकपडा, कापीकलम तथा दैनिक जीवनयापनमा आवश्यक भाँडाकुँडालगायतका सामग्री वितरण गरिएको थियो । दमौलीका युवा सुदीप गफ्फार सहितको युवाको टोलीले राहत सामग्री लिएर प्रभावित क्षेत्रमा पुगेर वितरण गरेको जनाइएको छ ।
