भरतपुर महानगरपालिका वडा नम्बर १० शरदपुर बस्ने वर्ष १४ का दुई किशोर विगत दुई दिनदेखि बेपत्ता भएका छन् ।
बेपत्ता हुनेमा प्रेमबस्ती मावि कक्षा १० अध्ययनरत अन्जन खनाल र स्टेब बाई स्टेव स्कुल भरतपुरमा कक्षा १० मा नै अध्ययन गर्ने आयुस कँडेल रहेका छन् । उनीहरु घरबाट विद्यालय गएको अवस्थामा बाटोबाटै बेपत्ता भएका हुन् ।
परिवारका अनुसार उनीहरु दुवै मिल्ने साथीहरु पनि रहेको बताईएको छ ।
गहुँगोरो वर्ण भएका उनीहरु झण्डै पाँच फिट अग्ला र पातलो शरीर भएका रहेको परिवारले जनाएका छन् । परिवारलेले दुवै किशोरलाई कसैले भेटेमा नजिकको प्रहरी कार्यालय वा आफन्तलाई खबर गरिदिन सबैसँग अनुरोध गरेका छन् । कसैले देखेमा वा भेटेमा सम्पर्क नम्बर ९८४५६९६६०६, ९८४८०९६७०० र ९८४५४०७०८० मा खबर गरिदिन परिवारले अनुरोध गरेको छ ।
