पहिलोपटकको यौन सम्पर्क जबर्जस्ती बाध्य ?

Devghat Online

शेयर गरौ

अहिले विश्वभरमै कलिलामाथि हुने यौनहिंसाको घटना सतहमा आइरहेका छन् । ‘ह्यासट्याग मीटु मुभमेन्ट’ले महिलाहिंसाको उकुसमुकुस बाहिर ल्याएको छ ।

महिलाहरु कसरी यौन हिंसाका शिकार बनिरहेका छन्, यौनमा रुची नहुँदा पनि जबर्जस्ती सम्बन्ध बनाउनुपर्ने बाध्यता कसरी आइलागेको छ, यौनको नाममा कस्तो किसिमको उत्पीडन भोग्नु परिरहेको छ ? भन्ने सम्बन्धमा एक नयाँ खोज सार्वजनिक भएको छ । उक्त खोज अमेरिकी महिलामा आधारित छ । रिसर्च अनुसार हरेक १६ जना महिलामध्ये एक जना महिलाले पहिलोपटकको यौन सम्पर्क जबर्जस्ती गर्न बाध्य भएको पाइयो । त्यस समयमा उनीहरुको उमेर पनि पीडकको तुलनामा निकै कम थियो ।

के भन्छ खोजले ?

जामा इन्टरनेल मेडिसिनको सोधमा भनिएको छ ‘अमेरिकामा ३३ लाखभन्दा बढी महिला पहिलोपटक सम्भोगका लागि बाध्य हुनेछन् । अर्थात् उनीहरु राजीखुशीले नभई करकापमा र बाध्यात्मक रुपले यौन सम्बन्ध राख्ने गर्छन् । १६ जना अमेरिकी महिलामा एक जना महिला यौन सम्बन्धका लागि बाध्य हुने गर्छन् । ‘ह्यासट्याग मिटू मुभमेन्ट’बाट यो कुराको उजागर भएको हो कि महिलालाई उनीहरुको इच्छा एवं रुचिविना कसरी यौन दूव्र्यवहार हुन्छ ?

के भन्छ तथ्यांक ?

१३ हजार ३ सय १० महिलामाथि गरिएको यस सर्वेक्षणको विश्लेषणमा के पाइयो भने उत्तरदातामध्ये ६ दशमलव ५ प्रतिशत महिला यौन दूर्व्यवहारको शिकार भएका छन् । उनीहरुलाई पहिलोपटक यौन सम्बन्धका लागि बाध्य बनाइएको छ । यो आँकडा ३३ लाख महिला बराबर हुन्छ, जसको उमेर १८ देखि ४४ वर्षको बीचमा छ । अमेरिकी हावर्ड विश्वविद्यालयका शोधकर्ताका अनुसार जबर्जस्ती सम्भोग गर्न बाध्य हुँदा उनीहरुको उमेर १५ देखि १७ वर्षबीच थियो ।

खतरा

अध्ययनमा के पाइयो भने पहिलोपटक जबर्जस्ती यौन सम्पर्कका लागि बाध्य भएका महिलाहरुमा अनिच्छित गर्भधारण वा गर्भपातको सम्भावना हुन्छ । साथसाथै उनीहरुमा प्रजनन समस्या हुने भय समेत रहेको हुन्छ ।

प्रतिक्रिया दिनुहोस्

सम्बन्धित समाचारहरू

बोलवम मेलामा आएका भक्तजनलाई देवघाटधाम जेसीजद्वारा निःशुल्क पानी र मही वितरण

देवघाट, साउन ७ देवघाटधाममा सुरु भएको बोलवम मेलामा आएका भक्तजनलाई देवघाटधाम जेसीजले निशुल्क पानी तथा

नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस मनाइँदै

काठमाडौं, साउन ७ नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न

गुरु पुर्णिमाको अवसरमा महेश सन्यास आश्रमद्वारा गुरुनिर्वाण महोत्सव आयोजना

देवघाट, साउन ६ गुरुपुर्णिमाको अवसरमा देवघाटमा रहेको महेश सन्यास आश्रमले ब्रह्मलीन सन्तशिरोमणि श्री १००८ डा.

स्वास्थ्य क्षेत्रका समस्या समाधान गर्न नीतिगत र प्रणालीगत सुधारको खाँचोः मन्त्री पौडेल

दमौली, साउन ६ स्वास्थ्य तथा जनसख्ंया मन्त्री प्रदिप पौडेलले स्वास्थ्य क्षेत्रको समस्या समाधानकोलागि नीतिगत र