देवघाट अनलाइन
देवघाट, चैत २१
देवघाट क्षेत्र बिकास समितिका अध्यक्ष भिम बहादुर रानामगरले पदबहाली गरेका छन्। गत चैत १० गते मन्त्रि स्तरीय निर्णयबाट देवघाट क्षेत्र बिकास समितिको अध्यक्षमा २ वर्षको लागि नियुक्त भएका रानाले मंगलबार क्षेत्र विकास समितिको कार्यालयमा पद बहाली गरेका हुन् । नेकपा माओवादी केन्द्र गण्डकी प्रदेश सदस्य समेत रहेका राना तनहुँको देवघाट गाउँपालिका वडा नम्बर ३ निवासी हुन् ।
साथै देवघाट क्षेत्र बिकास समितिको सदस्यमा मनोनित भएका तनहुँका शान बहादुर परियार, दिननाथ न्यौपाने, नवलपुरका प्रेमराज सापकोटा, हरिप्रसाद पौडेल र चितवनका रत्नलाल शर्मा कडेल र मोतीराम ढुंगानाले पनि मंगलबार नै पद बहाली गरे ।
सो पदबहाली कार्यक्रममा गण्डकी प्रदेश सभाका सांसद तथा पुर्व मन्त्री हरि बहादुर चुमानले नवनियुक्त अध्यक्ष तथा सदस्यहरुलाई बधाई दिँदै देवघाटलाई र्धािर्मक स्थलको रुपमा परिचित गराउन र यहाँ धेरै भन्दा धेरै पर्यटक ल्याउन तथा उद्देश्य अनुरुपको काम गर्न अध्यक्ष लगायत अन्य सदस्यहरुलाई शुभकामना दिए ।
सो कार्यक्रममा देवघाट गाउँपालिका अध्यक्ष तिल बहादुर थापा, गाउँपालिका उपाध्यक्ष भुवन सिं गुरुङ तथा देवघाट क्षेत्र बिकास समितिका कार्यकारी निर्देशक सदन बराल लगायतले बधाई तथा शुभकामना मन्तव्य राखेका थिए ।
