देवघाट, बैशाख १३
तनहुँ क्षेत्र नम्बर १ का नवनिर्वाचित सांसद डा. स्वर्णिम वाग्लेले देवघाटलाई धार्मिक पर्यटनको केन्द्र बनाउने प्रतिबद्धता दोहो¥याएका छन् । सांसदमा निर्वाचित भएपछि बुधबार देवघाटका मतदातालाई धन्यवाद दिन देवघाट आएका सांसद वाग्लेले देवघाटलाई देशकै प्रमुख धार्मिक पर्यटनको केन्द्र बनाई देश तथा बिदेशबाट धेरै भन्दा धेरै पर्यटक भित्र्याउने गरि काम गर्ने बताए ।
धार्मिक आस्थालाई आर्थिक समृद्धीसँग जोड्न सकिने भन्दै वाग्लेले देवघाट गाउँपालिकाका पिछडिएको क्षेत्रलाई विकासको मुलधारमा ल्याउने आफ्नो प्राथमिकता रहेको बताए ।
सो अवसरमा सांसद वाग्लेलाई देवघाटका धार्मिक प्रतिष्ठान, विभिन्न संघ संस्था तथा सर्वसाधरणहरुले भव्य स्वागत तथा बधाई दिएका थिए । राष्ट्रिय स्वतन्त्र पार्टी देवघाटका संयोजक बलबहादुर क्षेत्री लगायतका नेताहरुले सांसद वाग्ले समक्ष देवघाटका समस्याहरुको बारेमा जानकारी गराएका थिए ।
