दमौली, जेठ ५ गते
भ्रष्टाचारको विरुद्धमा र भ्रष्टाचारीलाई कारवाहीको माग गर्दै दमौलीमा साहित्यकारहरुले सडकमै साहित्य वाचन गरेका छन् ।
गन्डकी वाङ्मय प्रतिष्ठान तनहुँको आयोजनामा शुक्रबार भएको सो कार्यक्रममा साहित्यकारहरुले साहित्य मार्फत भ्रष्टाचार र कुशासनको विरोध जनाएका थिए ।
सो अवसरमा वाङमय प्रतिष्ठानका अध्यक्ष सागर उदास, साहित्यकारहरु समुन्द्र गोदार, श्रीराम कार्की, नारायण श्रेष्ठ, चक्रबहादुर अधिकारी, अन्जु दाहाल, इङ्कन खनाल, तेजप्रसाद लामिछाने, होमबहादुर बस्नेत, बाबुराम सापकोटा, संगम सापकोटा, उपेन्द्र दाहाल, चन्द्रकुमार बानिया लगायत ५५ जना भन्दा बढिले साहित्य रचना वाचन गरेका थिए ।
कार्यक्रम चलिरहदा पानी पर्दा समेत घरको पेटीमा आई कार्यक्रमलाई निरन्तरता दिईएको प्रतिष्ठानका अध्यक्ष सागर उदासले बताए । साहित्यकारहरुले साहित्यको माध्यमबाट देशमा व्याप्त भ्रष्टाचार, विकृति, बिसंगती र कुशासनको विरुद्ध आवाज उठाईएको अध्यक्ष उदासले बताए ।
