दमौली, जेठ ६
बन्दीपुर गाउँपालिकाले मापदण्ड विपरीत उत्खन्न गरि राखिएको ढुङ्गा गिटी र बालुवा बिक्रि गरेर २१ लाख आम्दानी गरेको छ ।
गाउँपालिकाको वडा नम्बर ५ याम्पाघाट स्थित मस्र्याङदी नदी किनारमा मापदण्ड विपरीत उत्खन्न गरि राखिएको ढुङ्गा गिटी र बालुवा यस अघि भदौ २६ गते सिल गरेको थियो । अबैधरुपमा उत्खनन गरिएको उक्त नदीजन्य सामाग्री बिक्रि गरी कर सहित २१ लाख रुपैयाँ आम्दानी भएको गाउँपालिका प्रमुख प्रमुख प्रशासकिय अधिकृत नवेशराज हमालले बताए ।
गाउँपालिकाले आर्थिक बर्ष २०७८÷७९ का लागि करिव ३ हजार १ सय घनमिटर उत्खन्नका लागि ठेक्का आह्वान गरेको थियो । तर ठेकका पाएको कम्पनीले मापदण्ड विपरीत एक्साभेटर र जेसीभी प्रयोग गरी करिव १२ हजार १ सय घनमिर ढुङ्गा गिटी र बालुवा उत्खन्न गरेको पाइएको थियो ।
गाउँपालिकाले उक्त कम्पनीलाई राजश्वको दायरामा आउन आग्रह गर्दा कम्पनीले चासो नदेखाएको र उक्त सामाग्री विक्रीकोलागि पटक–पटक बोलपत्र आहन गर्दा पनि टेण्डर नपरेपछि उक्त सामान बैधानिक रुपमै मुग्लिङ पोखरा सडक निर्माण गरिरहेको चाइना कम्युनिकेशन कन्सट्रक्सन कम्पनीलाइ बिक्रि गरिएको गाउँपालिका इन्जिनियर सन्तोष थापाले बताए ।
बन्दिपुर गाउँपालिकाको वडा नम्बर ६ स्थित साराङघाटमा रहेको क्वालिटी क्रसर उद्योग पनि अनुगमन गरी सिल गरेको छ ।
