दमौली, जेठ ८
तनहुँ जिल्ला अदालतले लोग्नेको हत्या गर्ने पत्निलाई जन्मकैद (२५ वर्ष) को सजाय फैसला गरेको छ ।
जिल्ला अदालतका न्यायधिश कोमलप्रसाद आचार्यको इजलासले सोमबार आफ्नै पतिको हत्याको आरोपित कास्की जिल्ला पोखरा महानगरपालिका–३ शिसुवा घर भई शुक्लागन्डकी नपा–४ मा बस्दै आएकी ३६ वर्षीया शुशिला विकलाई जन्मकैदको सजाय सुनाएको जिल्ला अदालतका श्रेस्तेदार मिनबहादुर कुँवरले जानकारी दिए ।
शुशिलाले ४० वर्षीय पनि मनबहादुर नेपालीको २०७९ मंसिर २८ गते शुक्लागन्डकी नपा–४ मा मा टाउकोमा ब्लकले हानी हत्या गरेकी थिईन् । मादक पदार्थ सेवन गरी घरायसी विवाद भएपछि शुशिलाले पति मनबहादुरको हत्या गरेकी थिईन् । आरोपितलाई प्रहरीले तत्कालै पक्राउ गरेको थियो । आरोपित जिल्ला कारागारमा पुर्पक्षकोलागि थुनामा थिईन् ।
