दमौली, जेठ १५
तनहुँको बन्दीपुर गाउँपालिकामा मापदण्ड विपरित तथा नक्सा पास नभइ बनेका घर टहरा तथा संरचनाहरु अव कायम नहुने भएको छ । आर्थिक बर्ष २०७२।०७३ भित्र बनेका घरहरु भने २०८० पौष मसान्त सम्म मात्र कायम गर्न पाइने छ ।
२०७२।०७३ सम्म बनेका तर अभिलखीकरण नभएका पुराना घरहरु छुटेको भए यहि पौष मसान्त भित्र गाउँपालिकामा नियमानुसार दर्ता गर्न आए घर कायम हुने गाउँपालिका प्रमुख प्रशासकिय अधिकृत नवेशराज हमालले बताए ।
अन्य संरचानाहरुको हकमा यहि जेठ ११ गते देखी पुराना घर कायम बन्द गरिएको छ । यहि जेठ ११ गते बसेको १६ औँ कार्यापालिकाको बैठकले उक्त निर्णय गरेको गाउँपालिकाका अध्यक्ष सुरेन्द्र बहादुर थापाले बताए ।
