दमौली, जेठ १५
तनहुँका होटल व्यवसायीले व्यास नगरपालिकाले लिने गरेको व्यवसाय कर चर्को भएको भन्दै विरोध जनाएका छन् । होटल व्यवसायी संघ तनहुँले सोमबार दमौलीमा आयोजना अन्तरक्रिया कार्यक्रममा व्यवसायीहरुले आर्थिक मन्दीका बेला पनि नगरपालिकाले चर्को कर असुलेको भन्दै तिर्न नसक्ने जनाएका छन् ।
भेलाले व्यवसाय कर अत्याधिक भएको र आर्थिक मन्दीका कारण तिर्न गाह्रो भएको निष्कर्ष निकालेको छ । व्यवसाय कर चर्को हुनुका साथै फरक–फरक पाइएकोले पुरानै कर कायम गर्न आग्रह गरिएको संघका अध्यक्ष दुर्गाविलास भट्टराईले बताए ।
नगरपालिकाले करमा पुर्नविचार नगरेसम्म संघले अर्को सूचना जारी नभइन्जेल कर नतिर्ने निर्णय गरेको अध्यक्ष भट्टराईले बताए ।
