देवघाट, जेठ २६
सव डिभिजन वन कार्यालय देवघाटको आयोजनामा मानव-वन्यजन्तु द्वन्द्व न्युनिकरण सम्बन्धि अन्तरक्रिया कार्यक्रम शुक्रबार देवघाटमा सम्पन्न भयो ।
चक्रवर्ती सामुदायिक वन उपभोक्ता समुहका सचिव प्रेम थापाको अध्यक्षतामा सम्पन्न सो कार्यक्रममा देवघाट गाउँपालिकाका अध्यक्ष तिलबहादुर थापाले मानव-वन्यजन्तु विच हुने द्वन्द्व लाई न्युनिकरण गर्न सबैले पहल गर्नुपर्ने बताए ।
वन्यजन्तुलाई जंगलमा नै भुलाउनको लागि सामुदायिक वन समुहले वन जंगलमा फलफूलका बिरुवा लगाउनुपर्नेमा अध्यक्ष थापाले जोड दिए ।
सो कार्यक्रममा सामुदायिक वन उपभोक्ता महासंघ गन्डकीका सचिव केशवचन्द्र न्यौपाने, सामुदायिक वन महासंघ तनहुँका सदस्य उमेश नैनावस्ती, डिभिजन वन कार्यालय तनहुँका सहायक वन अधिमृत दयानीधि अर्याल लगायतले मन्तव्य राखेका थिए ।
सो कार्यक्रममा सव डिभिजन वन कार्यालय देवघाटका प्रमुुख नवराज घिमिरेले मानव-वन्यजन्तु न्युनिकरण सम्बन्धि विषयमा कार्यपत्र प्रस्तुत गरेका थिए । सो कार्यक्रममा ४५ जनाको सहभागिता रहेको थियो ।
