दमौली, जेठ २७
पाठेघरको क्यान्सरबाट पिडित म्याग्दे गाँउपालिका वडा नम्बर ५, (हाल व्यास ५), पतेनीटारमा बस्ने ३८ बर्षीया सम्झना श्रेष्ठको उपचारको लागी विभिन्न संघ संस्थावाट सहयोग जुट्न सुरु भएको छ । सम्झनाको पाठेघरको क्यान्सर देखिएपछि उपचारका लागी सहयोग जुटाउन थालिएको हो ।
क्यान्सर देखिएपछि विपी कोईराला मेमोरियल क्यान्सर अस्पताल भरतपुर चितवनमा उपचार भईरहेको सम्झनाको आर्थिक अवस्था निकै कमजोर भएको र उपचारमा धेरै खर्च लाग्ने भएको हुदाँ सवैलाई परिवारको जीवनरक्षाका लागी सहयोग गरिदिनुहुन निज सम्झनाको पती चन्द्रकुमार श्रेष्ठले अनुरोध गरेका छन् ।
सम्झनाका उपचारका लागी विभिन्न संघसंस्थावाट सहयोग जुट्न शुरु भएको छ । जसमा मलेशिलामा रहनुहुने महेन्द्र श्रेष्ठ, गणेश कुमार श्रेष्ठ र तुल वहादुर गरन्जाको नेतृत्वमा ४० हजार आर्थिक सहयोग जुटेको छ भने श्री दभुङ्ग चण्डीदेवी गुठी संस्थावाट ३३ हजार ९० रुपैया, मानुङ्ग गुठीवाट २० हजार ६ सय ५५, पतेनीटार नेवा समाजवाट ६ हजार ५ सय र पतेनीटार टोल विकास संस्थावाट ४१ हजार पन्ध्र रुपैया आर्थिक सहयोग पिडित सम्झनालाई हस्तान्तरण गरिएको छ ।
यसैगरि सम्झनाको उपचारका लागी मिलनगुठीवाट ३२ हजार, पाङलादी आमा समुह व्यास ५ वाट ५ हजार र उदय माध्यामिक विद्यालयवाट १० हजार ७ सय पन्ध्र रुपैया आर्थिक सहयोग यसअघि नै जुटिसकेको छ ।
