देवघाट, भदौ ७
देवघाटमा निर्माणाधिन देवघाट सार्वजानिक पुस्तकालयकोलागि पुस्तकालयका सचिव फणिन्द्रप्रसाद पौडेलले ११ हजार रुपैयाँ सहयोग गरेका छन् । आफ्नो जन्मदिनको अवसरमा पौडेलले पुस्तकालयलाई रकम सहयोग गरेका हुन् । पौडेल देवघाटमा सन्चालित महेश संस्कृत गुरुकुलका प्राचार्य समेत हुन् ।
आफ्नो जन्मदिनको अवसरमा पुस्तकालयका लागि सहयोग प्रदान गरेकोमा पुस्तकालयका अध्यक्ष शिवराज पौडेलले सचिव पौडेल प्रति आभार व्यक्त गरेका छन् ।
निर्माणाधिन पुस्तकालयाई देवघाटका विभिन्न व्यक्ति तथा संघ संस्थाले सहयोग गर्ने क्रम बढेको छ । अध्यक्ष पौडेलले पुस्तकालय भवन निर्माणकोलागि हालसम्म सहयोग गर्ने सबैलाई धन्यवाद दिई अन्य व्यक्ति तथा संघ सस्थालाई पनि भवन निर्माणमा सघाउन अपिल गरिएको बताए ।
उक्त भवनको विस्तृत परियोजना प्रतिवेदन अनुसार कूल लागत ३ करोड ६८ लाख रुपैयाँ रहेको अध्यक्ष पौडेलले जानकारी दिए । पौडेलका अनुसार १० हजार भन्दा बढी आर्थिक सहयोग गर्ने दाताहरुको नाम शिलालेखमा उल्लेख गरिने छ ।
