देवघाट, असोज १०
देवघाट गाउँपालिकामा नयाँ प्रमुख प्रशासकीय अधिकृत गौरी प्रसाद आचार्यको स्वागत र सरुवा भएका प्रमुख प्रशासकीय अधिकृत रमेश सुवेदीको बिदाई गरिएको छ ।
बुधबार गाउँपालिकामा गाउँपालिकाका अध्यक्ष तिलबहादुर थापा, उपाध्यक्ष भुवनसिंह गुरुङ, वडा नम्बर ५ का अध्यक्ष एवं गाउँपालिकाका प्रवक्ता पुर्णबहादुर कुँवर, वडा नम्बर १ का अध्यक्ष मनिराज गुरुङ, वडा नम्बर २ का अध्यक्ष मीन बहादुर राना, वडा नम्बर ३ का अध्यक्ष टेक बहादुर आले, नेकपा एमाले देवघाट गाउँ कमिटिका अध्यक्ष केशवचन्द्र न्यौपाने, नेपाली काँग्रेस देवघाट गाउँ कार्य सििमतिका उपसभापति पुरूषोतम शर्मा पण्डित, देवघाट उद्योग वाणिज्य संघका अध्यक्ष रोशन श्रेष्ठ, गाउँपालिकाका जनप्रतिनिधि र कर्मचारीहरु तथा विभिन्न सहकारी लगायत अन्य संघ संस्थाका प्रतिनिधिले नयाँ प्रमुख प्रशासकीय अधिकृत आचार्यलाई स्वागत र सरुवा भएका प्रमुख प्रशासकीय अधिकृत सुवेदीलाई खादा र मायाको चिनो सहित बिदाई गरेका थिए ।
संघीय मामिला तथा सामान्य प्रशासन मन्त्रालयको निर्णय अनुसार सुवेदीको मकवानपुरको मनहरी गाउँपालिकाको प्रमुख प्रशासकीय अधिकृतमा सरुवा गरेको थियो भने देवघाटमा मुस्ताङबाट गौरी प्रसाद आचार्य सरुवा भएर आएका थिए । बिदाई समारोहमा सुवेदीले देवघाट बसाईको क्रममा आफुलाई सहयोग गर्ने सबै देवघाटबासीलाई धन्यवाद दिए ।
