बन्दिपुर, मंसिर १३
बन्दीपुर अस्पतालमा आगामी मंसिर १६ गते शनिबार निःशुल्क स्वास्थ्य शिविर सञ्चालन हुने भएको छ । बन्दीपुर गाउँपालिका वडा नम्बर ४ बन्दीपुर स्थित बन्दीपुर अस्पतालमा दन्तरोग मुटु छातीरोग तथा अनुभवी बिशेषज्ञ चिकित्सकहरुबाट स्वास्थ्य शिविर सञ्चालन हुने भएको बन्दीपुर गाउँपालिकाका स्वास्थ्य शाखा प्रमुख अञ्जिर भट्टराईले बताए ।
शिविर १६ गते बिहान ८ बजेदेखि दिउँसो ३ बजेसम्म सञ्चालन गर्ने जनाएको छ । शिविरमा औषधी समेत वितरण गर्ने गाउँपालिकाले जनाएको छ । गाउँपालिकामै निःशुल्क रुपमा विभिन्न किसिमका रोगको परीक्षण हुने भएका कारण स्वास्थ्यमा समस्या भएका सबै व्यक्तिले स्वास्थ्य परीक्षण गराउन गाउँपालिकाले स्थानीयलाई आग्रह गरेको छ ।
