दमौली, माघ १०
घिरिङ गाउँपालिकाको आर्थिक वर्ष २०८०।०८१ विनियोजित बजेटबाट सन्चालित विभिन्न योजनाहरूको अनुगमन गरिएको छ ।
गाउँपालिकाका उपाध्यक्ष राधादेवी अधिकारी र प्रमुख प्रशासकीय अधिकृत विष्णु प्रसाद पोखरेल नेतृत्वको टोलीले बुधबार वडा नम्बर ४ का विभिन्न योजनाहरुको स्थलगत अनुमगन गरेका हुन् ।
सो क्रममा वडा नम्बर ४ का कल्याण आधारभुत विधालय करूवाटार, कालीशंखर मोटर मार्ग करूवाटार, करूवाटारबाट बटौलीटार जाने कच्ची सडक र सेन्चुरी कुवा नयाँटारको अनुगमन गरिएको थियो ।
सो अनुगमनमा गाउँपालिका उपाध्यक्ष राधादेवि अधिकारी, प्रमुख प्रशासकीय अधिकृत विष्णु प्रसाद पोखरेल, वडा नम्बर ४ का वडा अध्यक्ष भिमबहादुर कुमाल, वडा सदस्य प्रेम रानाभाट, गाउँपालिकाका इन्जिनियर माधव प्रसाद घिमिरे, सव इन्जिनियर विदुर मरहट्टा, वडाका प्रविधिक गणेश विक, प्रविन श्रेष्ठ लगायत थिए ।
अनुगमन पश्चात उपाध्यक्ष अधिकारी र प्रमुख प्रशासकीय अधिकृत पोखरेलले कुनै पनि योजनाहरु गुणस्तरीय रुपमा सम्पन्न गर्नु पर्नेमा जोड दिएका थिए ।
तश्विरहरुः समर रानाभाट
