दमौली, माघ १२
पुर्व मन्त्री तथा बारा क्षेत्र नम्बर ४ का प्रतिनिधि सभाका सांसद कृष्णकुमार श्रेष्ठ किसानले ब्यास नगरपालिकाको घाँसिकुवादेखी मुलपानी हुँदै भानु नगरपालिकाको मान्द्रे, पड्के पसल जाने बागेश्वरी मार्गको स्तरोन्नतिको लागि बजेट बिनियोजनको लागि पहल गरेका छन् ।
सांसद श्रेष्ठको पहलमा बागेश्वरी मार्ग स्तरोन्नतिको लागि अर्थ मन्त्रालयले थप ३ करोड रुपैयाँ बजेट सुनिश्चित गरेको सांसद श्रेष्ठका स्वकिय सचिव जगत खड्काले जानकारी दिए । उक्त सडकको लागि ४ करोडको माग भएकोमा भौतिक पुर्वाधार मन्त्रालयले चालू आर्थिक वर्षमा १ करोड मात्रै बिनियोजन गरेको थियो ।
तर सांसद श्रेष्ठले सो सडकलाई ४ करोड नै बजेट उपलब्ध गराउन अर्थमन्त्री डा.प्रकाशशरण महत र भौतिक पुर्वाधार मन्त्री प्रकाश ज्वालासँग अनुरोध गरेका थिए । सांसद श्रेष्ठको पहल पछि अर्थ मन्त्रालयले सो सडकलाई चार करोडकै बजेट सुनिश्चितता गरेको स्वकिय सचिव खड्काले बताए ।
तनहुँ क्षेत्र नम्बर १ का पुर्व सांसद समेत रहेका श्रेष्ठले अहिले विशेष परिरस्थितिले तनहुँ छाडेर बाराबाट सांसद निर्वाचित भएपनि तनहुँका जनता प्रतिको जिम्मेवारी र दायित्व बाट पर बस्न नसक्ने बताए ।
