दमौली, माघ १२
एकदेव आले स्मृति तथा चिन्तन प्रतिष्ठान द्वारा आयोजित क्रान्ति योद्धा कमरेड एकदेव आलेको ५५ अाैँ स्मृति दिवस तथा प्रतिष्ठानको एघारौं वार्षिक साधारण सभा सम्पन्न भएको छ ।
व्यास नपा- ३ मा अवस्थित एकदेव आलेको स्मारकमा माल्यार्पण गरि प्रारम्भ भई प्रतिष्ठानको केन्द्रीय कार्यालय भवनको सभाकक्षमा कार्यक्रम गरिएको थियोे । कार्यक्रममा प्रतिष्ठानको सँस्थागत विकासमा महत्त्वपूर्ण योगदान गर्नुहुने वन्दिपुर १ निवासी गोविन्द प्रसाद अधिकारी, म्याग्दे ३ निवासी लक्ष्मण अधिकारी र व्यास ३ निवासी पुर्ण प्रसाद श्रेष्ठलाई सम्मान गरिएको थियोे । साथै भिमाद नप- ५ निवासी किसन शर्मा ( बालकृष्ण गैह्रे ) लाई आजिवन सदस्यता प्रदान गरिएको थियोे ।
उक्त कार्यक्रममा प्रमुख अतिथि सँस्थाका संरक्षक एवं नेकपा एकीकृत समाजबादीका पोलिट्व्युरो सदस्य प्रतापलाल श्रेष्ठ , नेकपा माओवादी केन्द्रका केन्द्रीय सदस्यद्वय किसन शर्मा र राजेन्द्र केसरी न्यौपाने, नेकपा (एमाले ) केन्द्रीय सल्लाहकार परिषद सदस्य एक वहादुर राना, नेपाली काङ्ग्रेस तनहुँका उपसभापति देव कुमार श्रेष्ठ, एमाले तनहुँका उपसचिव प्रदिप राज अधिकारी , सँस्थाका सल्लाहकार सँयोजक श्रीराम कार्की , आले परिवारका सदस्य एवम् सँस्थाका सल्लाहकार सदस्य मोहन सिँह आले, नेकपा ( मशाल ) का नेता एवम् सँस्थाका सल्लाहकार पुष्पलाल श्रेष्ठ , सल्लाहकार रामचन्द्र सापकोटा ,व्यास नगरपालिका वडा नम्बर ३ का वडा अध्यक्ष अनुप रानाले शुभकामना व्यक्त गर्दै एकदेव आलेको वारेमा चर्चा गरेका थिए ।
प्रतिष्ठानका अध्यक्ष बिष्णुभक्त सिग्देलको अध्यक्षतामा सम्पन्न सो कार्यक्रममा संस्थाका उपाध्यक्ष श्रीकुमार श्रेष्ठले स्वागत र महासचिव सृजना सिग्देलले सन्चालन गरेका थिए ।
उक्त साधारणसभाले अध्यक्षद्वारा प्रस्तुत प्रतिवेदन र प्रस्तावहरु साथै कोषाध्यक्ष गजेन्द्र पन्थ द्वारा प्रस्तुत आर्थिक प्रतिवेदन सर्वसम्मत पारित गरेको छ ।
