दमौली, चैत २५
शनिबार दिउँसो धारिलो हतियार प्रयोग गरि श्रीमतीको हत्या गरेका गोरखा जिल्ला पालुङटार नपा–८ दुवार स्थायी घर भई व्यास नगरपालिका–५ सेरा चापटार बस्ने ३५ बर्षिय जितबहादुर कुमाललाई अनुसन्धानकोलागि १० दिन थुनामा राख्न जिल्ला अदालतले अनुमती दिएको छ ।
घरायसी विवाद हुँदा जितबहादुरले आफ्नै श्रीमती ३६ बर्षिया सुन माया कुमाललाई घरमा रहेको धारिलो हतियार दाउले पटक पटक प्रहार गरि हत्या गरेका थिए । श्रीमतीको हत्या गरि भाग्ने प्रयास गरेको अवस्थामा स्थानिय बासिन्दाको सहयोगमा शनिबार नै प्रहरीले घटनास्थल नजिकैबाट पक्राउ गरेको थियो ।
कुमाललाई आईतबार जिल्ला अदालनमा पेश गरि थप अनुसन्धानकोलागि १० दिन थुनामा राख्न अनुमति लिईएको जिल्ला प्रहरी कार्यालय तनहुँले जनाएको छ । सो घटनाको विस्तृत अनुसन्धान सुरु भएको प्रहरीले जनाएको छ ।
