दमौली, जेठ २८
नेकपा एमाले भिमाद नगर कमिटिको नेतृत्वको लागि निर्वाचन भएको छ । आइतबारदेखी सुरु भएको दोश्रो नगर अधिवेशन अन्तर्गत सोमबार साँझ ७.३० बजेबाट निर्वाचन भएको हो ।
अध्यक्ष पदमा इमानबहादुर थापा र उज्वल खनालले उम्मेदबारी दिएका छन् । इमान नगर कमिटिका निवर्तमान अध्यक्ष हुन् भने उज्वल जिल्ला कमिटिका निवर्तमान सदस्य हुन् । त्यसैगरि उपाध्यक्षमा चतुर्भुज सुवेदी र निमकान्त पौडेलले उम्मेदबारी दिएका छन् । सचिव र खुल्ला उपसचिव भने सर्वसम्मत निर्वाचित भएको छ । सचिवमा भिमसेन थापा बलु र उपसचिवमा दिनेश थापा सर्वसम्मत भए । त्यसैगरि महिला उपसचिवमा नारायणी गैह्रे लामिछाने र चन्द्रावती श्रेष्ठले उम्मेदबारी दिएका छन् ।
त्यसैगरि केही वडामा र केही क्लष्टरमा पनि सदस्यहरु सर्वसम्मत नभएपछि उक्त पदमा पनि निर्वाचन भएको छ । उक्त नगर अधिवेशनमा २४१ ज्ना प्रतिनिधिहरु रहेका छन् । निर्वाचन परिणाम मंगलबार विहानसम्म आइसक्छ ।
तनहुँ जिल्लामै नेकपा एमालेको सबैभन्दा बलियो संगठन रहेको भिमादको अधिवेशनलाई नेताहरुले पनि चासोका साथ हेरेका छन् । अधिवेशनको नेकपा एमालेका स्थायी कमिटिका सदस्य किरण गुरुङ्गले उद्घाटन गरेका थिए ।
