दमौली, जेठ २९
नेकपा एमाले भिमाद नगर कमिटीको अध्यक्षमा इमानबहादुर थापा बिजयी भएका छन् । भिमाद नगर कमिटीको दोश्रो अधिवेशन अन्तर्गत नयाँ नेतृत्वको लागि सोमबार राती भएको निर्वाचनमा थापा बिजयी भएका हुन् ।
बिजयी थापाले १४६ मत पाएका थिए भने अर्का उम्मेदवार उज्वल खनालले ८९ मत पाएका थिए । त्यसैगरि उपाध्यक्षमा चतुरभुज सुवेदीले १६५ मत पाई बिजयी भए भने उपाध्यक्षका अर्का उम्मेदवार निमकान्त पौडेलले ७० मत पाएका थिए । त्यसैगरि महिला उपसचिवमा नारायणी गैह्रे लामिछानेले १६९ मत पाई बिजयी भईन् । महिला उपसचिवकी अर्की उम्मेदवार चन्द्रावती श्रेष्ठले ६१ मत पाईन् ।
सचिवमा भिमसेन थापा बलु र खुल्ला उपसचिवमा दिनेश थापा भने सर्वसम्मत निर्वाचित भएका थिए ।
