दुलेगौंडा, जेठ २९
नेकपा एमाले शुक्लागन्डकी नगर कमिटिको अध्यक्षमा रघुनाथ पौडेल सर्वसम्मत निर्वाचित भएका छन् । पौडेल मंगलबार अध्यक्षमा सर्वसम्मत निर्वाचित भएका हुन् ।
केही दिन अघि भएको नगर कमिटिको दोश्रो अधिवशेनमा पदाधिकारीमा सर्वसम्मत नभएपछि मंगलबार निर्वाचनको लागि समय तोकिएको थियो। तर मंगलबार निर्वाचन नभई सर्वसम्मत भएको थियो । अध्यक्षका अन्य उम्मेदवारहरु दुर्गाकुमार श्रेष्ठ, राम श्रेष्ठ र देवान गुरुङले पौडेललाई समर्थन गर्दै अध्यक्षको उम्मेदवारी फिर्ता लिएका थिए ।
त्यसैगरि उपाध्यक्षमा लोकनारयण श्रेष्ठ, सचिवमा तिर्थ खनाल तथा उपसचिवमा सुरेन्द्र तामाङ र सानुमाया सर्वसम्मत निर्वाचित भए । अन्य सदस्यहरु पनि सबै सर्वसम्मत भएको चियो ।
