देवघाट, असार ११
नेकपा एमाले देवघाट गाउँ कमिटिको दोश्रो अधिवेशनबाट निर्वाचित कमिटिको सपथग्रहण कार्यक्रम मंगलबार देवघाट–५ स्थित सिटी हलमा सम्पन्न भएको छ ।
सो कार्यक्रममा गाउँ कमिटिका निर्वाचित अध्यक्ष भिमबहादुर गुरुङलाई नेकपा एमाले तनहुँका अध्यक्ष हरिराज कडेंलले र अन्य पदाधिकारी र सदस्यहरुलाई गाउँ कमिटिका अध्यक्ष गुरुङले सपथ खुवाएका थिए ।
सो अवसरमा नेकपा एमालेका स्थायी कमिटि सदस्य एवं पुर्व मन्त्री किरण गुरुङ, जिल्ला कमिटिका अध्यक्ष हरिराज कडेंल, गन्डकी प्रदेश कमिटिकी सदस्य कृष्णकुमारी श्रेष्ठ लगायतले मन्तव्य राखेका थिए । कार्यक्रममा देवघाट गाउँपालिकाका नेकपा एमालेका जिल्ला कमिटिका सदस्य, पुर्व जिल्ला कमिटि सदस्य तथा नेता तथा कार्यकर्ताहरुको सहभागिता रहेको थियो ।
एमाले देवघाटको दोश्रो अधिवेशनबाट अध्यक्षमा भिमबहादुर गुरुङ, उपाध्यक्षमा भोजराज नैनावस्ती, सचिवमा सान श्रेष्ठ, खुल्ला उपसचिवमा हर्कबहादुर थापा र महिला उपसचिवमा सावित्री न्यौपाने सहित ३१ सदस्यिय गाउँ कमिटि निर्वाचित भएको थियो ।
