देवघाट, साउन २६
देवघाट गाउँपालिका–५ मा आयोजित प्रथम देवपुर कप सेभेन ए साईड फुटवल प्रतियोगिताको उपाधी ढोडेनी फुटवल क्लवले जितेको छ । गाउँसुधार समाज देवपुरको आयोजनामा भएको उक्त प्रतियोगिताको शनिबार भएको फाईनल खेलमा गैडाकोट नगरपालिका–३ को ढोडेनी फुटवल क्लवले भरतपुर मनपा–१४ को राधापुर युथ क्लवलाई १–० गोल अन्तरमा बिजयी भएको हो ।
प्रतियोगितामा बिजयी ढोडेनी फुटवल क्लवले ५० हजार नगद सहित ट्रफी र प्रमाणपत्र प्राप्त गरेको छ भने उपविजेता राधापुर युथ क्लवले नगद ३० हजार सहित ट्रफी र प्रमाणपत्र प्राप्त गरेको छ । प्रतियोगिताको बिजेता र उपबिजेतालाई देवघाट गाउँपालिकाका उपाध्यक्ष भुवन सिंह गुरुङले पुरस्कार प्रदान गरेका थिए ।
सेन्ट्रल कलेजको प्रायोजनमा गत साउन १८ गतेदेखी सुरु भएको उक्त प्रतियोगितामा ४० टिमको सहभागिता रहेको थियो । देवपुर गाउँसुधार समाजका अध्यक्ष शुकु गुरुङको अध्यक्षतामा उक्त प्रतियोगिता सम्पन्न भएको थियो ।
