दमौली, साउन २६
तनहुँ जिल्लामा ८ सउ भन्दा बढिमा डेंगु सङ्क्रमण पुष्टि भएको छ । तनहुँको व्यास नगरपालिका, शुक्लागण्डकी नगरपालिका, बन्दीपुर गाउँपालिका, आँबुखैरेनी गाउँपालिका र भिमाद नगरपालिकामा डेंगु सङ्क्रमण पुष्टि भएको जिल्ला स्वास्थ्य कार्यालयले जनाएको छ ।
अहिलेसम्म भानु नगरपालिका, म्याग्दे गाउँपालिका, ऋषिङ गाउँपालिका, घिरिङ गाउँपालिका र देवघाट गाउँपालिकामा भने सङ्क्रमित फेला परेका छैनन् । व्यासमा ५७, शुक्लागण्डकीमा एक सय पाँच, भिमादमा दुई, बन्दीपुरमा ३५ र आँबुखैरेनीमा पाँच सय ५४ जनामा डेंगु पुष्टि भएको छ । जिल्लास्थित सरकारी अस्पताल र निजी क्लिनिकमा गरिएको परीक्षणअनुसार उनीहरूमा डेंगु पुष्टि भएको हो ।
विद्यार्थीमा डेंगु संक्रमण बढ्न थालेपछि आबुँखैरेनीका ४ वटा विद्यालय बन्द गरिएको छ । तनहुँमा सबैभन्दा धेरै डेंगु संक्रमित आबुँखैरेनी गाउँपालिकामा रहेको स्वास्थ्य कार्यालय तनहुँले जनाएको छ ।
