देवघाट, साउन २८
नेपाल रेडक्रस सोसाईटी देवघाट उपशाखाले प्राकृतिक प्रकोपका पीडितहरुको लागि गरेको राहत संकलनमा १२ हजार ८ सय रुपैयाँ संकलन भएको छ । उक्त रकम साउनको तेश्रो र चौंथो सोमबार संकलन भएको हो । रेडक्रसले देवघाटमा आएका भक्तजनहरुसँग राहत संकलन गरेको हो ।
देशका विभिन्न भागमा भएको प्राकृतिक प्रकोपका पीडितहरुको लागि राहत उपलब्ध गराउने उद्देश्यले राहत सकंलन गरिएको रेडक्रस देवघाट उपशाखाका कोषाध्यक्ष माधव उपाध्यायले जानकारी दिए । यस अघि पहिलो साताको सोमबार ३ हजार ८७० रुपैयाँ राहत संकलन भएको उपाध्यायले जानकारी दिए ।
