दमौली, पुस १७
चेक अनादर मुद्धामा फरार रहेका एक जना प्रतिबादीलाई तनहुँ प्रहरीले पक्राउ गरेको छ । तनहुँ जिल्ला अदालतबाट २०८० पुस ४ गतेको फैसला पश्चात लगत कसी हालसम्म फरार रहेका जिल्ला लम्जुङ सुन्दरबजार नगरपालिका वडा नम्बर ४ बस्ने सुरेश न्यौपाने बुधबार पक्राउ गरिएको प्रहरीले जनाएको छ ।
फैसला पश्चात फरार रहेका उनलाई खोजतलास गर्ने क्रममा ब्यास नगरपालिका वडा नम्बर ४ भोर्लेटार चोकमा फेला पारि पक्राउ गरिएको प्रहरीले जनाएको छ । उनलाई अदालतबाट तोकिएको दुई हजार रुपैया जरिवाना भुक्तानको लागी तनहुँ जिल्ला अदालतमा उपस्थित गराइएको प्रहरीले जनायो ।
