तनहुँ । असार १३
नेकपा एमाले व्यास नगर कमिटिले व्यास नपा २ दमौलीका महेन्द्र रिजालको उपचारको लागि आर्थिक सहयोग हस्तान्तरण गरेको छ । एमाले व्यास नगर कमिटिका अध्यक्ष तुल्सीराम पाण्डेले पार्टीका नेता, कार्यकर्ताहरुबाट संकलित ५० हजार ५ रुपैयाँ शुक्रबार महेन्द्रकी पत्निलाई हस्तान्तरण गरे ।
कलेजो तथा आन्द्राको समस्याबाट पीडित रिजालको पोखरा स्थित चरक अस्पतालको आइसियुमा उपचार भईरहेको छ । रिजालको उपचारमा आर्थिक अभाव भएपछि व्यास नगर कमिटिले आर्थिक सहयोग संकलन गरि रकम हस्तान्तरण गरिएको अध्यक्ष पाण्डेले बताए ।
रिजालको उपचारको लागि व्यास नगरपालिका नेता तथा कार्यकर्ताहरुले सहयोग रहेको पाण्डेले बताए । रिजाल नेकपा एमाले व्यास नपा वडा नम्बर २ का पुर्व अध्यक्ष समेत हुन् ।
रकम हस्तान्तरण कार्यक्रममा नेकपा एमाले जिल्ला सचिवालय सदस्य श्रीराम कार्की, जिल्ला सदस्य बसुन्धरा घर्ती सहित व्यास नगर कमिटिका पदाधिकारी र सदस्यहरुको उपस्थिती रहेको थियो ।
